ज्या गोष्टी आपल्याला थकवून टाकतात, निस्तेज व निरूत्साही किंवा शक्तीहीन व क्षीण बनवतात त्या आपले ध्येय म्हणून नाकारायला शिकूया.

जी माहिती आपले स्वतःचे स्वतःविषयीचे व इतरांविषयीचे द्रुष्टीकोन उजळ करते ती वारंवार वाचायला व ऐकायला शिकूयात.

प्रतिभाशाली होण्याची पहिली पायरी म्हणजे फायदा, यश किंवा जगण्याचा आनंद मिळवून देणाऱ्या नवकल्पना सुचणे व सुचवणे.

स्वतःला खूश करण्याचा सर्वोत्तम मार्ग म्हणजे स्वतःबद्दलचा अभिमान व आदर तयार होईल किंवा वाढत जाईल अशा गोष्टी व कामे करणे.

मनावर चांगला प्रभाव पाडणाऱ्या गोष्टी-किस्से व शुभवार्ता सांगणारे आणि प्रोत्साहनपर शब्द बोलणारे सच्चे मित्र सकारात्मक जीवन जगण्यासाठी गरजेचे आहेत.

‘अंथरूण पाहून पाय पसरावे’ हे त्या क्षणापुरते ठीक म्हणूया, पुढच्याच क्षणी अंथरूण वाढवण्याचे ध्येय ठेवून ते साध्य करण्यासाठी प्रयत्न करणे ठीक मानूया.

आपली शारिरीक, मानसिक व आत्मीक मनःस्थिती उत्तम ठेवण्याचा, उत्तम मार्ग म्हणजे, करण्यासारखे काहीतरी काम शोधणे.

शिक्षण म्हणजे आपल्या स्वतःतल्या सुप्त क्षमतांची व गुणांची ओळख करून घेण्यासाठी उपयुक्त प्रयोगांची तोंडओळख करून घेणे.

आपल्या स्वप्रतिमेला व दैनंदिन कामगीरीला बाधा करणारी, सर्वात मोठी गोष्ट म्हणजे आपल्या मनातील; अपराधाची भावना.

आपले दूषित विचार शुद्ध करणे आणि कडवट द्रुष्टीकोन व व्रुत्ती गोड बनवणे, म्हणजे आपले आरोग्य व जीवन सुधारणे, यात शंकाच नाही.