“आपण दुःखी असतो कारण आपल्याला हवं ते मिळालेले नसते,” या ग्रुहीतकामुळे आपण जे हवंय ते मिळवण्यासाठी धडपड करतो.

मस्त व छान वाटण्यासाठी, अगोदर आपल्याला आपला भूतकाळ, वर्तमानकाळ व भविष्यकाळ यांविषयी बरं व छान वाटायला हवं.

आपल्याला आपल्याबद्दल जे जे काही वाटते, त्यामुळे आपल्याला आनंदी व समाधानी वाटणे, म्हणजे आपले वैयक्तिक आंतरिक यश.

लौकिक यश व वैभव मिळूनही, जर आपण असमाधानी व दुःखी असू तर, आपल्याला वैयक्तिक पातळी दुरूस्त करायला हवी.

आपल्या इच्छा-आकांक्षा, स्वप्ने व उद्दीष्टे पूर्ण करण्याची पहिली पायरी म्हणजे स्वतः, इतरेजन व परिस्थिती यांबद्दल क्रुतज्ञता बाळगणे.

“आहे त्यात सुखी असणे,” ते “अधिकाची अपेक्षा” ते “पुढचे उद्दिष्ट ठरवणे,” या मार्गावर, आपण उलट्या दिशेने जायला बघतो.

“आपला आनंद बाह्यजगातील परिस्थितीवर अवलंबून नाही,” हे मर्मज्ञान झाल्यानंतर आपला आनंद कायमस्वरूपी टिकून राहू शकतो.

वैयक्तिक यशाचे सार, योग्य वेळी आपली आनंद, प्रेम, शांती व आत्मविश्वास यांची योग्य आंतरिक तार, छेडण्यामध्ये आहे.

“शिकून मोठ्ठं व्हायचं,” हे आपलं स्वप्न पूर्ण करायचं असेल, तर चुका, अपयशं व तडजोडी हे आपले उत्तम शिक्षक व मित्र असतात.

आपण आपल्या नकारात्मक जाणिवांचे रूपांतर सकारात्मक जाणिवांमध्ये करायला शिकणे म्हणजे, वैयक्तिक पातळीवरचे यश.