कोणीतरी जबरदस्ती काम करून घेणे, पर्याय नाही म्हणून काम करावे लागणे किंवा काम करण्याचा पर्याय निवडणे यांमधील वेगवेगळ्या जाणीवा व अनुभव यांची पारख करायला शिकूया.

तात्कालीन परिस्थिती व भावना यांवर विसंबून निर्णय घेण्यापेक्षा आपण अगोदर ठरवून ठेवलेल्या आपल्या खोल मूल्यांवर आधारित निर्णय घ्यायला शिकूया.

आपण आपल्या आयुष्यात यशस्वी होण्याची, व्याख्या नेमकी कशी करतो? व त्यासाठी नेमके कोणते निकष लावतो? याबद्दल मनापासून व सखोल विचार करायला शिकूया.

आपली ध्येयं ठरवताना व साध्य करताना, रोजच्या गडबडीत व गोंधळात, आपल्यासाठी खरोखरच महत्त्वाचे काय आहे? हे आपण विसरून जाऊ शकतो.

आपल्याला कुठे जायचे आहे? हे समजले, तर आपण आता कोठे आहोत? व नंतर तेथे आपण कसे पोहोचू शकतो? हे सहजच समजू शकते.

आपण नोकरदार, बागायतदार, कारखानदार काहीही असलो तरी, परिणामकारक व प्रभावी होण्यासाठी सर्वात अगोदर जबाबदार व्हायला शिकूया.

“इकडे आड तिकडे विहीर” या अवस्थेत, आडात किंवा विहीरीत न जाता, शांतपणे दोन्हींच्या मधून, आपल्या ध्येयाकडे जाणारा मार्ग निवडायला शिकूयात.

आपल्याला काय शक्य आहे? यापेक्षा आपल्यासाठी काय योग्य आहे? याची उत्तरे शोधून जे योग्य आहे त्याचीच निवड करण्याची स्वतःला सवय लावूया.

वरवर आपण आपले स्वप्न काहीही व कितीही दाखवले तरीही, जे खरोखरच आपल्या अंतर्मनामध्ये आहे, तेच आपल्या स्वप्नातून, वास्तवात व्यक्त व प्रकट होत जाते.

आपल्याला पुढे भविष्यात जे उच्च ध्येय हवं आहे, यासाठी आत्ता जे काही ध्येयविरोधी हवं आहे, त्या इच्छांचा, त्याग करण्याची आपली क्षमता वाढवूया.