‘मनी वसे ते स्वप्नी दिसे’, हे फक्त रात्री झोपेत पडणाऱ्या स्वप्नांबद्दलच नाही, तर भर दिवसा, जागेपणी, उघड्या डोळ्यांना दिसणाऱ्या दिवास्वप्नांबद्दलही खरे आहे, हे समजून घ्यायला शिकूया.

माहीतीवरून प्रतिमा, प्रतिमांवरून अपेक्षा, अपेक्षांवरून अंदाज, अंदाजांवरून भाकीत आणि भाकीतांवरून अनुभव या सर्वांची एका समतुल्य माळेतील गुंफण म्हणजे जीवन, हे समजून घ्यायला शिकूया.

आपण एखाद्या गोष्टीविषयी मांडलेले अंदाज व भाकीते जेव्हा आपल्या मनातील अपेक्षांशी सुसंगत असतात तेव्हा आपल्या मनात आपले अनुभव जन्म घेतात, हे समजून घ्यायला शिकूया.

काही गोष्टींमधील मुद्दे व तत्थे जेव्हा आपल्या मनापर्यंत पोहोचू शकत नाहीत तेव्हा त्या गोष्टीबद्दलच्या आपल्या मनातील प्रतिमा व अपेक्षा बदलून घ्यायला शिकूया.

आपल्या मनात एखाद्या गोष्टीविषयी असणारी प्रतिमा आपण त्याबद्दल वापरत असलेले शब्द, विशेषणे, हावभाव व देहबोली यांच्या माध्यामातून व्यक्त होते, हे समजून घ्यायला शिकूया.

एखाद्याकडून आपली काय अपेक्षा आहे हे आपण आधीच ठरवलेले असेल तर आपल्या अपेक्षा पूर्ण झालेल्या प्रसंगांचे पुरावे तेवढे शोधतो, बाकीचे मात्र सोडून देतो, हे समजून घ्यायला शिकूया.

ज्या ठिकाणी व ज्यांच्याबरोबर घडणाऱ्या व असलेल्या गोष्टी आपल्या मनासारख्या नसतात तिथे आपण फक्त म्हणायला हजर असतो शरीराने व मनाने मात्र गैरहजर असतो, हे समजून घ्यायला शिकूया.

आपल्याला स्वतःचा अर्जंट अभ्यास सुरू करण्यासाठी सर्वोत्तम विषय म्हणजे तो विषय ज्या बाबतीत प्रतिक्रिया देण्यापासून आपण स्वतःला रोखू शकत नाही, हे समजून घ्यायला शिकूया.

आकर्षण ही भावना शरीर व इंद्रियांमध्ये उगम पावते व जाणवते, प्रेम ही भावना आकर्षणाचा बौध्दीक अर्थ आहे आणि ते मनात व अंतर्मनात उगम पावते व जाणवते, हे समजून घ्यायला शिकूया.

वारंवार येणाऱ्या कसल्याही प्रसंगात आपण कमीत कमी उद्विग्न व्हावे यासाठी, आपल्याला तेव्हा कसे वाटले पाहिजे? व आपण तेव्हा काय केले पाहिजे? हे आत्ताच आपल्या मनात पक्के कोरून ठेवायला शिकूया.