आपली छोटी-मोठी स्वप्ने, इच्छा व आशा-आकांक्षा पूर्ण होण्याची हमी, फक्त आणि फक्त एकच व्यक्ती देऊ शकते; आपण स्वतः!

काय? कसे? का? केव्हा? आणि कुठे? या प्रश्नांची स्पष्ट, नेमकी व निसंदिग्ध उत्तरं शोधणे, हीच यशसिद्धीची यशस्वी सुरुवात.

अपयशानंतर, त्याची कारणं आत्मनिरीक्षण व आत्मपरिक्षण करून स्वतःमध्ये शोधल्यास, आपण विकसित व सरस ठरतो.

विसरणे हा मनाचा गुणधर्म, म्हणून आपणच आपल्या जीवनाची ध्येयं, मूल्ये, उद्दिष्टे आणि अर्थ जाणीवपूर्वक स्मरणात ठेवावीत.

आपण स्वतःबद्दल बोलत असलेल्या आदर्शांचे व नीतीमूल्यांचे परिक्षक, म्हणजे आदर्शप्रतिकूल व नीतीविरोधी परिस्थितीस कारणीभूत लोक.

आपल्याला आपल्या जीवनाची सूत्रं हातात घ्यायची असतील तर, आपल्या जीवनाचं सूत्र अगोदर शोधून व समजून घ्यावं लागेल.

कोणत्याही घटनेवर आपलं मन, ज्या प्रतिक्रिया देतं, त्या आनंद किंवा दु:ख ठरवतात, योग्य प्रतिक्रिया देण्यासाठी मनाला प्रशिक्षित करूयात.

आपण आज प्रत्येक गोष्टीत जितके उत्तमोत्तम पर्याय निवडू, तितके आपले उद्याचे जीवन अधिकाधीक सुखी, समाधानी व यशस्वी होईल.

आपल्या क्रुतींचे मिळणारे फळ, प्रत्यक्ष क्रुतींपेक्षा, त्या क्रुतींमागील चांगल्या भावना व सकारात्मक द्रुष्टीकोन यांमुळे मिळते.

जे मनात असतं, तेच आपल्या हातातून व बोलण्यातून व्यक्त होत असतं म्हणून जे आणि जसं हवं आहे, ते आणि तसंच आपल्या मनात ठेऊया.