स्वस्थ जीवनमूल्यांच्या चौकटीनुसार, आपले असंतुलित जीवन संतुलित करणे व त्यानुसार ध्येये संचलित करणे, म्हणजे जीवनसंतुलन.

बाह्य जगातील भौतिक गोष्टी व वस्तू प्राप्त करणे, हेच जीवनमूल्य व अंतिम स्वप्न किंवा ध्येय असणे, म्हणजे पदरी हमखास अपयश.

आपल्या अंतर्मनाला ठेच पोहोचवणाऱ्या किंवा आत्म्याला गमावणाऱ्या गोष्टी शोधून, त्या पक्क्या लक्षात ठेवायला शिकूया.

आपल्या भीतीवर विजय मिळवण्याचा हमखास मार्ग म्हणजे आत्मविश्वासाने आपल्या क्रुतींची टप्याटप्याने निवड करायला शिकणे.

आपलं “आहे ते चांगलं व छान चाललंय” असं वाटणं म्हणजे, आपण अधिक चांगलं व उदात्त ध्येय शोधायला व निवडायला हवं.

लोक, परिस्थिती, नोकरी, परिसर अशा उद्दीपकांमुळे प्रभावित होताना, आपण आपल्या स्वप्नांना अनुकूल अशाच प्रतिक्रिया निवडूयात.

आपल्या ध्येयांनी व स्वप्नांनी इतरांना नाही केले तरी, आपल्याला स्वतःला प्रेरित, मोहीत व उत्साहीत नक्कीच करावे.

आपली जीवन जगण्याची मूल्ये कोणती? ते शोधून, त्यांचा वापर आपल्या ध्येयांचा पाया म्हणून करणे गरजेचे आहे.

आपल्या सर्वात मोठ्या शक्ती शोधून काढणे आवश्यक आहे कारण त्यावरच आपण आपली भावी स्वप्ने उभी करणार असतो.

आपल्याला रडवणाऱ्या किंवा हताश करणाऱ्या समस्या किंवा गरजा आपल्या स्वप्नांचा व ध्येयांचा उगमस्थान ठरू शकतात.