“बहुतेक सर्वांची वागणूक, मतं, निर्णय व आवडनिवड इतरांवरून ठरते, परंतु आपले मात्र तसे नाही”, असा आपला ठाम गैरसमज असतो.

एखाद्या गोष्टीत आपण कसे वागावे? यांबद्दल आपल्या मनात जर संदेह असेल तर, आपण इतरांचे अनुकरण करत असतो.

सभोवतालच्या लोकांचे विचार, मते, सूचना, शिफारशी, नकळतपणे आपले निर्णय व आवडीनिवडी ठरवत असतात.

“आपण स्वतंत्र बुद्धीने निर्णय घेतो” व “आंधळेपणाने लोकांच्या मागोमाग जात नाही”, असे आपले ठाम मत, चुकीचे असू शकते.

कोणत्याही गोष्टीचे मूल्यमापन व पासपसंती करताना आपल्यावर, बहुमताचा व लोकप्रियतेचा प्रभाव खूप मोठा असतो.

आपली वैयक्तिक व्रुत्ती, प्रव्रुत्ती, श्रद्धा, विश्वास या सर्व गोष्टींवर सर्वमान्यतेचा व सामाजिक दबावाचा खूप प्रभाव असतो.

प्रवाहाबरोबर राहण्याच्या व वाहण्याच्या नादात आपण आपली बुद्धी, ईच्छा, गरजा व प्राधान्ये यांना बगल देण्याची शक्यता असते.

काय करावे? कसे वागावे? यांचे संपूर्ण स्वातंत्र्य मिळाल्यावरही, स्वतः निर्णय घेताना, आपण सहसा कुणाचेतरी अनुकरणच करतो.

“कळतंय पण वळत नाही” अशा वेळी बुद्धीऐवजी मनालाच जास्त कुरवाळून आपल्याला आपले काम करून घ्यायला शिकले पाहिजे.

आपल्या व्यक्तीमत्वामध्ये मनोगंड असतात कारण भूतकाळातील अनेक वर्षे एखादी विशिष्ट भावना आपण वारंवार दडपलेली असते.