आपण ज्या ज्या गोष्टी करतो, त्या त्या सर्व गोष्टींवर प्रेम करायला शिकूया, ज्यामुळे आपण अधिक चांगल्या व मोठ्या गोष्टी करत राहू.

एखाद्या गोष्टीविषयीची तीव्र भावना व तीव्र इच्छाशक्ती, आपले मन वळवते, बुद्धी वळवते व यशसिद्धीचा मार्गही दाखवते.

आपण ज्या मार्गाने जात आहोत त्या मार्गाने आपले मन व ह्रदय काबीज केले असेल व शरीर उर्जेने भारलेले असेल, तर आपण यशस्वी आहोत.

आपण जे आहोत, आपल्याकडे जे आहे व आपल्याला जे येते त्यांच्या सहाय्याने शक्य तेवढे उत्तम काम करणे म्हणजे यशस्वी होणे.

आपण जे करू शकतो त्याकडे नेहमी दुर्लक्ष करतो आणि जे करू शकत नाही, ते करण्याचा प्रयत्न करीत राहतो.

आपल्या क्षमतांनुसार आपल्याकडून काय काम होऊ शकते? या प्रश्नावर काम करणे, हे आपले सर्वात गरजेचे व महत्त्वाचे काम आहे.

आपले एक स्वप्न अपूर्ण राहिले म्हणून फुरंगटून बसण्याऐवजी आपण दुसरे स्वप्न बघण्यात गुरफटून जायला शिकूया.

आपल्या क्रुतींवरून, हावभावावरून व वागण्यावरून लोक आपली पारख करतात, आपण सांगितलेल्या आपल्या हेतूंवरून नव्हे.

जीवनावर आपली पकड व नियंत्रण असावे अशी ईच्छा असेल तर, आपले ध्येय व उद्दिष्ट जास्तीत जास्त स्पष्टपणे लिहून काढायला सुरुवात करुयात.

मागे पहायला लावतो तो पश्चात्ताप, भोवताली पहायला लावते ती काळजी आणि दूर, समोर व वर पहायला लावते ती दूरदृष्टी.