आपल्या मनातील स्वप्नांचा जन्म आणि ते पूर्ण होणे, यांमधील अंतर, वेळ व अडचणी यांचा आनंद घेत रहाणे म्हणजे चिकाटी.

आपले सद्गुण आणि क्षमता, आपली दुर्बलता व नाजूकता आपल्या अंतर्मनात वास करतात, त्यांची ओळख म्हणजे स्वतःची ओळख.

आपली क्रुती आणि आपले वर्तन बदलायचे असेल तर प्रथम त्या गोष्टीबद्दलचे आपले मन आणि मत बदलणे गरजेचे आहे.

महिनोंमहिने आपण जर त्याच त्या आकांक्षा, आशा, समस्या, अडचणी, संधी, सबबी उगाळत असू तर आपले जीवन थांबलेले आहे.

आपण ठरवले तर सर्व काही संपलेले असते, आपण ठरवले तर ती एक नवी सुरुवात असते, म्हणून काहीही ठरवताना थोडे काळजीपूर्वक ठरवूया.

‘नकारात्मक परिस्थिती आहे’, असे वाटणे, हे आपल्या नकारात्मक मनःस्थितीचे एक स्वरूप आहे, वास्तविकता नाही.

आपण नेहमीच मार्गांच्या शोधात असतो, काम करण्याच्या किंवा काम न करण्याच्या, पहिल्या मार्गावर रहायला शिकूया.

आपल्याकडे जे आहे त्याचा आनंद आपल्याला आज घेता येत नसेल, तर उद्या जे काही हवंहवंसं मिळेल त्याचाही आनंद घेणे अवघड जाईल.

आपल्याजवळ जे उपलब्ध नाही, त्याचा शोक किंवा मोह करण्याच्या नादात, जे उपलब्ध आहे ते वाया जाऊ शकते किंवा खराब होऊ शकते.

आपण जे करु शकत नाही त्याकडे अती लक्ष देण्याऐवजी, आपण जे करु शकतो त्याकडे जास्त लक्ष द्यायला शिकूया.