अवघड बाबींबद्दल भूणभूण व चिडचिड करण्यापेक्षा त्याविषयी अभ्यास करणे, परिश्रम करणे, काम करणे कधीही श्रेष्ठ.

जीवनात शरीर व मन यांमधील सावधान व विश्राम या अवस्थांचा समतोल राखायला शिकणे म्हणजे तणावमुक्ती.

रोमांचित व उत्साहीत करणारी तसेच आवड, आनंद व अभिमान वाटवणारी कामे किंवा छंद हे ताणतणावावरील रामबाण उपाय आहेत.

घड्याळाच्या काट्यांबरोबर धावपळ व घाईगडबड करणाऱ्या लोकांसाठी दैनंदिन वेळापत्रक ही जीवन संजीवनी ठरू शकते.

नेहमीच स्वतःमध्ये रस घेणाऱ्यांनी इतरांमध्येही तो घ्यावा, तर नेहमी इतरांमध्ये रस घेणाऱ्यांनी स्वतःमध्येसुद्धा तो घ्यावा.

आपल्याला आवडणाऱ्या कविता, अभंग व वाक्ये एका डायरीमध्ये लिहूया व वाढीव मनोबलासाठी त्याचे वाचन करुयात.

दिवसभराच्या कामकाजानंतर आपण थकलोय याचा अर्थ आपण जास्त मानसिक काम केले असे नाही तर ते योग्य प्रकारे केले नाही.

शारिरीक परिश्रम व काबाडकष्टांपेक्षा भावनिक उलथापालथ व मानसिक दगदग यांमुळे आपण शक्तीहीन व ऊर्जाहीन होत जातो.

आपल्याला कामामुळे थकवा येत नाही, तर कामाबद्दल वाटणारा कंटाळा, तिरस्कार, निरर्थकता व चिंता यांमुळे येतो.

लोकनिंदा टाळण्यासाठी किंवा कौतुक मिळवण्यासाठी काही करण्याऐवजी, जे काही योग्य व सर्वोत्तम आहे ते करायचं ठरवूया.