आपल्या आंतरिक भावभावना व आपले बौद्धिक तर्कवितर्क यांचा सुंदर मिलाफ घडवणारे विचार, उच्चार, आचार व व्यवहार यांची जाणीवपूर्वक केलेली निवड म्हणजे चातुर्य, हे समजून घ्यायला शिकूया.

निवड गलत वाटत असेल तर लत लागू शकत नाही, लत लागलेली असेल तर निवड गलत वाटू शकत नाही, दोन्ही बाबतीत निवड तर आपलीच असते, हे समजून घ्यायला शिकूया.

जे विचार आपले तनमनधन घडवायला मदत करतात ते ज्ञान, तर जे विचार आपले तनमनधन बिघडवायला मदत करतात ते अज्ञान, अज्ञान ते ज्ञान हा विचारांचा प्रवास समजून घ्यायला शिकूया.

इतरांच्या व वैयक्तिक अर्थ नसलेल्या गोष्टींबाबतीत आपण योग्य व ठीक निर्णय घेतो, पण स्वतःच्या भावनिक व वैयक्तिक अर्थ असलेल्या गोष्टींबाबतीत मात्र गडबडून जातो, हे समजून घ्यायला शिकूया.

स्वयंशिस्त म्हणजे आपण आपल्या मनातील प्रिय-अप्रिय, आवड-नावड यांची आपल्या जगण्यातील गरजांशी आणि जीवनातील स्वप्नांशी व इच्छांशी घातलेली सांगड, हे समजून घ्यायला शिकूया.

आपण आपले स्वतःचे विचार, भावभावना, उच्चार व आचार यांबद्दल तज्ञ जाणकार बनायला व सजग व्हायला शिकणे म्हणजे खरे जीवनशिक्षण घेणे, हे समजून घ्यायला शिकूया.

खऱ्या अर्थाने आनंदी व सुखी होण्यासाठी आपण आपल्या स्वतःच्याच मनातील भित्या, काळज्या व चिंता यांवर आपल्याच शरीरात, मनात व अंतर्गत जगात विजय मिळवायला शिकूया.

आपली परीक्षा किंवा कसोटी पाहणाऱ्या प्रसंगांना सामोरे जात असताना आपल्याला व आपल्या स्वप्नांना सहाय्य होईल अशाच गोष्टी, शब्द व वाक्ये आठवायला, बोलायला व करायला शिकूया.

आपले प्रियजन आपल्याला देत असलेल्या उपाधींशी व लावत असलेल्या शाब्दीक लेबलांशी सुसंगत असे वागण्याचा आपण नकळत प्रयत्न करत असतो, हे समजून घ्यायला शिकूया.

आपण तेव्हाच काही बदल घडवू शकतो जेव्हा पर्यायांची निवड, आपल्या भाकीतांची माघार किंवा अपेक्षित परिणामांची लवचिकता आपल्याला शक्य असते, हे समजून घ्यायला शिकूया.