कोणकोणत्या विचारांनी, शब्दांनी, घटनांनी, आठवणींनी, भावनांनी आणि हावभावांनी आपल्याला फरक पडतो याची हरघडी जाणीव ठेवूया.

कोणते लोक, कोणत्या घटना, कोणता परिसर आणि कोणती भीती आपल्या भावना बाहेर काढतात, ते नेमकं समजून व उमजून घेऊया.

आयुष्यात यशस्वी होण्यासाठी एक महत्त्वाचा पाठ म्हणजे कोणकोणते धडे दुर्लक्षित आहेत? व का? याची समज व जाणीव असणे.

आयुष्यात यशस्वी होण्यासाठी एक महत्त्वाचा पाठ म्हणजे कोणकोणते धडे दुर्लक्षित आहेत? व का? याची समज व जाणीव असणे.

मनाच्या अस्वस्थ व बेचैन अवस्थेपासून दूर पळणे किंवा त्या अवस्था टाळणे किंवा त्यांकडे दुर्लक्ष करणे म्हणजे मनाची निरक्षरता होय.

“ही भावना योग्य, ती अयोग्य” अशी लेबले लावल्यावर “हे व्हायला हवे, ते नको” अशा अविवेकी अपेक्षांच्या हाती आपले मनस्वास्थ्य जाते.

सकारात्मक व नकारात्मक भावनांचे येणे, सोबत करणे व जाणे नैसर्गिक आहे, त्यांना चांगल्याच किंवा वाईटच समजणे अनैसर्गिक आहे.

आपण स्वतः कसे? काय? कुठे? व का? आहोत, या प्रश्नांची उत्तरे शोधणे, जाणणे व त्यांचे भान ठेवणे म्हणजे स्व-जागरूक असणे.

आपण तात्पुरत्या व छोट्या फायद्यासाठी केलेल्या तडजोडी, आपल्या दिर्घकालीन जीवनात, आडकाठी ठरू शकतात.

स्वतःचा स्वभाव व भावभावनांबद्दल क्षणोक्षणी शोध व माहिती घेणे व पुनर्शोध घेत रहाणे, म्हणजे अज्ञानाकडून ज्ञानाकडे प्रवास.