समस्या समाधान:

आपल्या मनाचे आपण मालक असतो, इतरांच्या मनाचे नाही. आपण केलेल्या क्रुतीचे आपण मालक असतो व त्याची जबाबदारी पूर्णपणे आपली असते. जिथे आपण आपल्या समस्यांची कारणं शोधतो, तिथेच समस्यांचं समाधानही शोधत बसतो. आपल्या समस्यांची कारणे स्वतःच्या अखत्यारीत व आवाक्यात असणाऱ्या कारणांमध्ये शोधल्यास आपण स्वतः त्यावर समाधान शोधू शकतो व त्या अनुषंगाने क्रुतीही करू शकतो. आपल्या समस्यांची कारणे जेव्हा आपण आपल्या स्वतःच्या अखत्यारीत व आवाक्यात नसणाऱ्या कारणांमध्ये शोधतो, तेव्हा आपण स्वतः त्यावर आपण समाधान शोधू शकत नाही व क्रुतीही करू शकत नाही.