बघायचेच आहे तर इतरांमधील सद्गुण बघायचे ठरवूया, शोधायचेच आहे तर इतरांमधील कौतुकास्पद गोष्टी शोधायचे ठरवूया.

कोणतेही काम करण्याचा, योग्य मार्ग निवडणे व नेहमीच्या वळणाचा सोपा मार्ग सोडून देणे, आपल्याला हळूहळू स्वःविकासाकडे घेऊन जाते.

जगातील ताज्या घडामोडींबरोबर होणाऱ्या, आपल्या मनातील ताज्या घडामोडींबद्दल, आपण जास्त जाग्रुत व सजग असलेले बरे.

प्रेरक शक्ती या बाहेरील परिस्थितीतून नव्हे तर, आपल्या अंतकरणातून ऊगम पावतात आणि आपल्याला बेधडक व धैर्यशील बनवतात.

हरेक सहवास, मैत्र, संगत व संपर्क आपल्या मनावर काहीतरी परिणाम करतच असते, त्याबाबत आपण नेहमी सतर्क व जागरूक राहूया.

जर कधी दुःख व उद्विग्नता आली तर काय करायचे, हे आपण आनंदात व सुखात असताना अगोदरच ठरवून ठेवणे कधीही उत्तम.

समस्या पुढे ढकलणे म्हणजे आपल्या मनाची समज वाढवण्याची, बोध घेण्याची व हवं ते मिळवण्याची सुवर्णसंधी पुढे ढकलणे.

आपण त्रासलेले असतो तेव्हा, एकतर आपला द्रुष्टीकोन चुकीचा असतो किंवा आपली विचारांची निवड चुकीची असते.

स्वतःच्या मनामध्ये, स्वतःच्या मनस्थितीचे, स्वतःच्या मनाच्या सहाय्याने, स्वतःच्याच मनाला साक्षी बनवणे, म्हणजे आत्मविकास.

आपल्या मनातील भावनांचा व मनाच्या अवस्थेचा, प्रसंगातून जाताना व प्रसंगानंतर आढावा घेत रहाणे, म्हणजे आत्मपरीक्षण.