उपकार भावनेची, परतफेडीची, कौतुकाची, मैत्रभावनेची किंवा क्रुतज्ञतेची अपेक्षा न ठेवता इतरांना मदत करायला शिकूयात.

ज्या बाबींमध्ये आपल्याला रस व आवड आहे, त्या बाबींमध्ये स्वतःला गुंतवून टाकणे व जे होईल त्याचा स्वीकार करणे म्हणजे यशस्वी जीवन.

आपण स्वतः स्वतःला जो विश्वास देतो, तो आपल्या अंतर्मनासाठी आज्ञावली असतो, तो खरा ठरू शकतो, हे सत्य समजून घेऊया.

इतर लोकांना व नातलगांना एखाद्या मोठ्या व महत्वाच्या माणसासारखी वागणूक दिल्याने त्याचा व आपला फायदाच फायदा होईल.

ओरडणे, गुरकावणे, दबाव टाकणे, खरडपट्टी काढणे, मूर्खात काढणे यांपेक्षा काय करावे याचे प्रात्यक्षिक दाखवणे व कौतुक करणे कधीही उत्तम.

कठोर टीका करून अपमान करण्याऐवजी प्रिय लोकांना आत्मविश्वासाने उभे करून त्यांचे सहकार्य मिळवायला शिकूया.

आपण मोठे आहोत आणि आणखी मोठे होत आहोत अशी आठवण करवणारे डायरीलेखन किंवा  मनःचित्रीकरण करायला शिकूया.

संतुलित शरीर, संतुलित ह्रदय, संतुलित मन, संतुलित आत्मा आणि संतुलित बुद्धी हे आपल्या समाधानकारक जीवनाचे रहस्य आहे.

यशाची उंच, भव्य व प्रशस्त अशी इमारत ज्या पायावर दिमाखात उभी राहू शकते, तो भक्कम पाया म्हणजे सकारात्मक स्वःप्रतिमा.

कोणतीही नवीन गोष्ट सुरू करून त्यात यश संपादन करण्यासाठी वाढत्या वयाची आडकाठी कधीही नसते.