“आपण स्वतःबद्दल जी काही कल्पना करू शकतो त्यापेक्षा खूपकाही करू शकतो”, हा विचार आपल्या सुप्त क्षमतांना मुक्त करतो.

आजूबाजूची परिस्थिती व लोक यांपेक्षा आपण स्वतःच्या हिरोगीरीचे किंवा चिडक्या व रडक्या नशीबाचे मनःचित्रपट मन लावून बघत असतो.

दुसऱ्यांचा आदर करायला तसेच स्वतःचाही आदर करायला शिकणे म्हणजे “सकारात्मक स्वप्रतिमा” निर्माण करणे.

आपली “खरी ओळख” म्हणजे, आपल्या आवडीची क्षेत्रे, आपल्या विशेष क्षमता व प्रतिभा व आपल्याला आनंद देणाऱ्या गोष्टी.

बहुसंख्य समाजाची अस्वस्थता व कळपाची अंतःप्रेरणा टाळून, स्वतःच्या अंतःप्रेरणेने काम करायला व स्वस्थ रहायला शिकूयात.

सेटल होणे म्हणजे स्वतःसाठी असे काम व व्यवसाय शोधणे, ज्यातले आपले काम हेच आनंद, मजा, प्रेम व सुख यांचे माध्यम बनेल.

भविष्यकाळातील आपले जीवन कसे असेल? या प्रश्नाचे प्रामाणिकपणे उत्तर देऊन, ते उत्तर “चांगले” असे देण्यासाठी प्रयत्न करूयात.

आत्ताच्या व्यवस्थेकडून आपल्याला जे मिळत आहे त्याचे महत्त्व ओळखणे आणि स्वतःतले सर्वोत्तम त्या व्यवस्थेला परत करणे म्हणजे यश.

“पुढचा अधिक विचार,” करतो तो तरूण, “मागचा अधिक विचार करतो”, तो वयस्कर, मग वयाचा आकडा कितीही असला तरी.

आपल्याला जे आवडते तेच इतरांना आवडावे, आपल्याला जसे वाटते तसेच इतरांना वाटावे, असे वाटणे सोडणे म्हणजे मोकळेपणा.