इतरांची रेडिमेड मते विचारांती स्विकारता येणे किंवा नाकारता येणे किंवा नवीन मते बनवून मार्ग निवडता येणे म्हणजे खरे स्वातंत्र्य.

नातेसंबंधात आपलं स्वतःचं करणं व वागणं, आपल्या स्वतःच्या मनाची व विचारांची जडणघडण व आपलं स्वतःचं अंतरंग न्याहाळूया.

आपल्याला जे काय हवं आहे, त्याची जाणीव ठेवूयात, तसेच त्याची नेमकी, नेटकी व भरीव व्याख्या, कल्पना व विचार करूयात.

नुसतं बसून राहणे, दिवास्वप्न पाहणे किंवा जे हवंय त्याचा पोकळ विचार करणे म्हणजे अंतर्मनात आपल्या इच्छेविरूद्ध कार्य करणे.

आपण ज्या गोष्टींना, मनापासून सत्य समजून चालतो, त्या प्रत्यक्ष घडवून आणणारी आपल्या आतील शक्ती, म्हणजे आपले अंतर्मन.

आपण ज्या गोष्टींकडे लक्ष देतो, ज्या शब्दांना कान देतो व ज्या द्रुष्यावर नजर स्थिर करतो, त्या वाढत जाऊन आपले अनुभव बनतात.

ज्या गोष्टी केल्यानंतर आपल्याला बरं किंवा छान वाटतं, त्या गोष्टी आपल्या स्वतःच्या अंतर्गत जगातील असण्याचा आग्रह धरूया.

भूतकाळातील शहाणपण वेचणे व भविष्यकाळातील निसंदिग्ध आदर्श बघणे, ही सजग वर्तमानाकाळाची दोन चाके आहेत.

दुसऱ्या व्यक्तीबद्दल आपल्या मनात ज्या वाईट भावना असतील त्या लगेच काढून टाकण्यासाठी, क्रुतज्ञतेचे आचरण करूया.

नातेसंबंधातील सुसंवादाचे सुमधूर गाणे भेसूर करणारे दोन सूर म्हणजे तक्रारीचा सूर व मीपणाचा सूर, ते टाळायला शिकूया.