उतरंड:

उतरंड:
आयुष्याच्या भट्टीत तयार झालेली विचारांची मडकी, पक्की व कायमची वाटतात. परंतु ऋतूनुसार व परिस्थितीअन्वये वापरून झाल्यावर ही जून मडकी उतरंडीत जातात. आपल्या गरजांनुसार नवीन विचारांची मडकी आयुष्याच्या भट्टीत भाजावी लागतात. फूटलेली मडकी आपण फेकून देतो. टिकाऊ मडकी आपण वापरतो. वापर व गरज नसल्यास उतरंडीत ठेवून देतो. जीवन म्हणजे या विचारांच्या मडक्यांच्या अनेक उतरंडी. आणि जगणं म्हणजे योग्य वेळी योग्य ते विचारांचं मडकं वापरून परत उतरंडीत ठेवून देणे. या उतरंडीतील काही मडक्यांमध्ये असतो आपला अमूल्य खजिना: मन:शांती. अशी मडकी आपल्या उतरंडीची शोभा वाढवतात.
डॉ. संताजी शेळके
बारामती