आपल्या स्वतःच्या मनातील भीती, शंका व चिंता यांना सकारात्मक दृष्टिकोनातून व व्यावहारिक पद्धतीने सामोरे जाणे म्हणजे शौर्य.

दररोज आपले कौशल्य व क्षमता यामध्ये थोडी फार का होईना, पण प्रगती करत रहाणे, हाच अधोगती रोखण्याचा उत्तम मार्ग आहे.

आपलं लक्ष समस्यांच्या कारणांवरून हटवून, ते त्यांच्या उपायांवर केंद्रीत करण्याची आपली क्षमता, आपण सरावाने वाढवू शकतो.

आपलं अंत:करण, आपला सर्वांत महत्त्वाचा व मूल्यवान सल्लागार आहे, त्याचा सल्ला नेहमी लक्षात ठेवावा, निर्णयात त्याचा आधार घ्यावा.

वैयक्तिक घेऊन, मोजण्यायोग्य करून, सद्यस्थितीत लिहून आणि डेडलाईन ठरवून आपण आपल्या इच्छांना शक्ती व उर्जा देऊ शकतो.

जीवनात निर्णय घेताना, अनेक पर्यायांतून एकाची निवड करताना, इकडेतिकडे बघण्यापेक्षा, स्वतःकडे व स्वतःमध्ये बघावे, हे बरे.

आपण आपल्या मनाला कशा पद्धतीने व कोणत्या दिशेने विचार करायला व क्रुती ठरवायला शिकवतो, त्यावर आपले यशापयश ठरते.

कोणतीही चांगली सवय जी आपल्याला असावी असे वाटते, ती दररोजच्या सरावाने डोक्यातून उतरवून, अंगात भिनवल्यावरच स्वयंचलित होते.

दृश्य बाह्य जगापेक्षा, आपण आपल्या मनाच्या अदृश्य अंतर्गत जगात कसे वागतो, यावरच आपले नैतिक व मानसिक सामर्थ्य ठरते.

आयुष्यात कठीण प्रसंगात “आपले ध्येय” हेच आपले उत्तम मार्गदर्शक असते, म्हणून आपले ध्येय आपल्याला स्पष्टपणे माहीत असावे.